Domingu, 04 Dezembru 2016



SAIDA MAK SEI MUDA?

  • Hahu loron 31 fulan Jullu 2012, numeru telemovel hotu-hotu ne'ebe rejista iha rede TT nian sei muda no komesa fali ho numeru 77, iha oin. Hare ezemplu tuir mai ne'e:
  • Mudansa ida ne'e sei aplika ba numeru telemovel ho kartaun SIM ne'ebe mak iha servisu voz no internet 3G hanesan tuir mai ne'e:
    • Numeru telemovel ho kartaun SIM ne'ebe iha servisu voz Pré-Pagu no Pós-Pagu
    • Numeru telemovel ho kartaun SIM ne'ebe iha servisu Internet 3G Pré-Pagu no Pós-Pagu
    • Numeru sentru SMS (SMS Centre) nian ba kartaun SIM sira ne'ebe refere iha leten ne'e.
  • Bainhira sosa kartaun SIM foun, sei hetan numeru telemovel Timor Telecom nian hotu-hotu komesa fali ho numeru 77 ka 78 iha oin.


SAIDA MAK HAU SEI HALO?

  1. Atu bele halo xamada hahú loron 31 Fulan Jullu:
    • Karik bele aumenta tan díjitu ida ho numeru hitu 7 iha oin iha numeru kontaktu telemovel ne'ebe rejista iha ita nia Telemovel.
    • Timor Telecom sei iha ninia ekipamentu espesífiku iha loja no fatin atendimentu balun TT nian atu bele fasilita halo mudansa ne'e:
      • Atu bele atualiza ita nia numeru kontaktu telemovel sira ne'e, loja no fatin atendimentu TT nian sira ne'e sei presija ita nia kodigu PIN kartaun SIM nian.
      • Halo favor tau iha atensaun katak ekipamentu sira ne'e so bele atualiza ka altera numeru kontaktu telemovel sira ne'ebe rejista iha ita nia kartaun SIM laran.
  2. Atu bele haruka SMS hahú loron 31 Fulan Jullu:
    • Timor Telecom husu ba kliente sira hotu atu labele hamate ita bo'ot sira nia Telemovel komesa husi tuku 00:00 loron 31 Jullu ba oin, hodi nune'e TT bele atualiza automatikamente numeru sentru SMS (SMS centre) TT nian.
    • Alternativa seluk fali mak ita bo'ot rasik bele muda ita nia numeru sentru SMS (SMS Centre) nian iha SMS settings, ho aumenta tan deit numeru 7 iha oin antes numeru sentru SMS tuan.
    • Loja no fatin atendimentu TT nian ba PNN bele mos fo ajuda atu halo alterasaun ka muda automatikamente numeru sentru SMS TT nian. Tau mos iha atensaun katak bainhira atu halao prosesu automatiku ida ne'e, sei presija mos ita nia kodigu PIN kartaun SIM nian.
    • Ho nune'e, hafoin halo tiha alterasaun ba numeru sentru SMS TT nian, ita bele ona haruka SMS no SMS ne'e so haruka ho susesu wainhira ita haruka ba numeru destinu ne'ebe lolos ne'ebe ita aumenta tiha ona numeru 7 iha oin antes numeru kontaktu telemovel TT nian ne'ebe rejista iha ita nia kartaun.
  3. Atu bele simu SMS no xamada husi rai liur:
    • Ita bele informa ba amigu ka família sira iha rai liur katak ita nia numeru aumenta tan tiha ona dijitu ida ho numeru 7 iha oin.
    • Bainhira ita nia familia ka amigu ruma ne'ebe iha rai liur, tenta atu kontaktu ita ho la tau numeru 7 iha oin antes ita nia numeru kontaktu telemovel tuan nian, sira sei rona anunsiu ruma husi Timor Telecom ne'ebe sei informa ba sira atu aumenta tan numeru 7 iha oin atu nune'e xamada ne'e bele halao ho susesu.


PERGUNTA NE'EBE BAI-BAIN SEI MOSU:

  1. Saida maka hau sei halo se ha'u la konsege halo xamada ba numeru telemovel kliente Timor Telecom nian ida hahú husi loron 31 fulan Jullu?
    • Hare didiak se numeru kontaktu ne'ebe ita atu liga ne'e iha díjitu 8 no komesa ho numeru 7 ida tan iha oin.
  2. Saida maka hau sei halo se ha'u la konsege haruka SMS ba numeru telemovel kliente Timor Telecom nian ida hahú husi loron 31 fulan Jullu?
    • Karik hasoru situasaun hanesan ida ne'e, ita nia kartaun SIM bele mos seidauk atualiza automátikamente numeru sentru SMS TT nian. Ita bo'ot bele muda rasik ita nia numeru sentru SMS (SMS Centre) nian iha SMS settings, ho aumenta tan deit numeru 7 iha oin. Mos bele hakat ba loja no fatin atendimentu TT nian ba PNN ne'ebe bele mos fo ajuda atu halo alterasaun ka muda automatikamente numeru sentru SMS TT nian.
  3. Saida mak akontese se husi rai liur tenta dere mai ha'u?
    • Karik iha família ruma ka amigu sira ne'ebe mak iha rai liur tenta dere mai ita bo'ot ho la aumenta numeru 7 iha oin antes numeru tuan, sira sei rona gravasaun husi Timor Telecom fo hatene atu aumenta tan numeru 7 ida iha oin atu nunne'e xamada ne'e bele realiza ho susesu.
  4. Ha'u nia kartaun SIM internet 3G mos hetan alterasaun ho PNN ne'e?
    • Los duni, ita nia numeru kartaun SIM internet 3G nian mos sei aumenta tan díjitu ida ho numeru hitu 7 iha oin, hanesan mos numeru sentru SMS TT nian ne'ebe sei tau mos numeru 7 iha oin. Karik ita nia numeru sentru SMS nian la aktualiza automátiku.
      • Ita bo'ot bele muda rasik ita nia numeru sentru SMS (SMS Centre) nian iha SMS settings
      • Bele mos hakat ba loja ka fatin atendimentu TT nian ba PNN ne'ebe bele mos fo ajuda atu halo alterasaun ka muda automatikamente numeru sentru SMS TT nian.
  5. Numeru telefone fixu Timor Telecom nian mos altera hotu ka lae?
    • Lae, numeru telefone fixu sira hotu mantein nafatin ho díjitu 7.
  6. Saida mak sei akontese wainhira ha'u la aumenta numeru 7 iha oin ba numeru telemóvel sira ne'ebe mak hau atu halo xamada ba hafoin liu tiha loron 31 fulan Jullu?
    • Karik ita la aumenta numeru 7 iha numeru ne'ebé ita dere ba maka ita sei rona mensajem voz atu fo hatene katak numéru telemovel sira ne'e altera tiha ona no presija aumenta tan numeru 7 iha oin antes numeru kontaktu telemovel tuan.
  7. Oinsa ha'u bele hato'o ha'u nia dúvida ka hetan informasaun diak liu tan kona ba PNN?
    • Atu bele hetan informasaun liu tan, bele hakat ba loja ka fatin atendimentu TT nian ne'ebé sei disponível iha Díli no bele mos halo xamada gratuita ba numeru 177 hodi hetan informasaun kona ba PNN nian.

Klik iha ne'e hodi bele hare folheto informasaun kampaña nian.