|
Regulamento
Regulamentu kampaña
“Pasatempu WORLD CUP 2018”
Timor Telecom, S.A., daudaun ne’e “Timor Telecom” ho nia sede iha Rua. Presidente Nicolau Lobato, Timor Plaza, 4.º Piso, pesoa koletiva n.º 1014630 rejistu iha Direcção Nacional do Comércio Doméstico ho n.º 01847Q/MTCI/XI/2012, hakarak lansa kampaña ne’ebé ho naran “Pasatempu WORLD CUP 2018”, ne’ebé la'o tuir termu no kondisaun sira hanesan tuir mai ne’e:
Klaúzula Dahuluk
Objektu
- Kampaña “Pasatempu WORLD CUP 2018 ” ne’e kampaña ida ne’ebé fó dalan ba partisipante sira atu manán prémiu liu husi hato’o sujestaun ba rezultadu husi jogu mundial 2018 oinoin, ne’ebé sei realiza entre períodu Juñu-Jullu 2018.
- Kestaun sira ne’e hafahe ba tema úniku ida:
- “Sujestaun ba rezultadu husi jogu mundial 2018”.
Kláuzula Daruak
Durasaun no Publisidade
- Kampaña ida- ne’e sei hahu husi loron 10 fulan Juñu 2018 to’o 17 fulan Jullu 2018.
- Publilisidade ba kampaña ne’e sei hala’o liu husi meiu publisitáriu sira Timor Telecom nian, hanesan domíniu Timor Telecom nian (www.timortelecom.tl), facebook: (https://web.facebook.com/TimorTelecomTL/) no SMS.
- Timor Telecom asegura katak informasaun ne’ebé disponibiliza liu husi publisidade ne’e iha informasaun hotu-hotu ne’ebé presiza ba partisipasaun iha kampaña ne’e.
Kláuzula Datoluk
Partisipante iha kampaña
- Kampaña ne’e destina ezkluziva ba kliente rede Timor Telecom hotu-hotu.
- Sei la permite iha kampaña ne’e:
- Administradór ka Direktór Timor Telecom sira;
- Traballadór husi Timor Telecom;
- No kolabadór sira balun ne’ebé envolve iha aktividade Timor Telecom nian;
- Kualkér família balun ne’ebé hatudu iha kategoria alínea anterior;
Kláuzula Dahaat
Rejistu iha plataforma kampaña
- Atu partisipa, Partisipante ne’e tenke haruka SMS 1 (ida) ho sujestaun rezultadu husi kada jogu ba númeru 8111, Ezemplu: Portugal 3- España 1.
- Kustu ba SMS temi iha númeru 1 maka USD 0,29 (sentavus ruanulu-resin-sia)
Kláuzula Dalimak
Mekanizmu
- Partisipante tenke haruka sujestaun ba rezultadu jogu ba númeru 8111;
- Iha loron tuirmai depoiz dé jogu, Timor Telecom sei avalia partisipante sira ne’ebé sira nian sujestaun rezultadu ne’e loos, atu nune’e, tuirmai bele fó prémiu.
Kláuzula Daneen
Selesaun ba Manan Na'in
- Selesaun ba manan na’in sira husi kampaña “PASATEMPU WORLD CUP 2018” sei halo bazeia ba rezultadu final husi kada jogu.
- Partisipante hotu-hotu ne’ebé ninian sujestaun ba rezultadu husi jogu ne’e loos mak sei manan prémiu.
- Partisipante sira ne’ebé hakarak atu prémiu ne’e karrega ba númeru kartaun SIM ne’ebé diferente, bele hakerek númeru ne’ebé hakarak atu karrega prémiu ba iha mensajen. Ezemplu Portugal 3 x España 1 – 77898…
Kláuzula Dahituk
Prémiu
- Manan na’in sira sei simu karregamentu iha loron tuirmai depoizdé jogu.
- Prémiu ne’e maka karregamentu husi Happy Day ba partisipante hotu-hotu ne’ebé ninian sujestaun ba rezultadu ne’e loos.
- Iha final Pasatempu númeru ne’ebé maka ninian sujestaun iha rezultadu ne’e loos dala barak liu, sei manan POWER BANK 1 + IKI MOBILE
- Iha final Pasatempu númeru 10 ne’ebé ninian sujestaun ba rezultadu loos dala barak sei manan POWER BANK 1
Kláuzula Daualuk
Limites ba Partisipasaun
- Partisipante hotu-hotu tenki kliente Timor Telecom nian.
Kláuzula Dasiak
Dispozisaun Seluk kona-ba Prémiu Atu Fó
- Timor Telecom rezerva direitu hodi muda lista prémiu kampaña ne’ebé sei sai efetiva hafoin halo ona publikasaun iha domíniu www.timortelecom.tl, iha facebook: https://web.facebook.com/TimorTelecomTL/ no SMS.
- Timor Telecom rezerva direitu ba oferese prémiu alternativu seluk ho valor hanesan, karik prémiu refere ema barak husi públiku alvu mak lakohi simu.
- Timor Telecom alleia ba kualkér akontesimentu ne’ebé bele kondisiona uzufrutu husi prémiu ba manán na’in sira no la garantia katak premiu ne’e rasik sei tuir espetativa saida de’it husi manan na’in sira nian.
- Prémiu ne’e pesoál no intransmisível (labele muda), tan ne’e sei labele troka ka premiu sira ne’ebé konsta iha ne’e sei la troka fali ho osan.
Kláusula Dasanuluk
Simu Prémiu
- Partisipante hotu-hotu ne’ebé ninian sujestaun ba rezultadu ne’e loos sei simu karregamentu iha loron ida tuirmai depoizdé jogu.
Kláuzula Dasanuluk-Resin-Idak
Reklamasaun
- Reklamasaun sira kona-ba prémiu sira ne’ebé fó husi “PASATEMPU WORLD CUP 2018” tenke apresenta liu husi hakerek mensajen privada ida ba iha Faceboot Timor Telecom nian: https://web.facebook.com/TimorTelecomTL.
Kláuzula Dasanuluk-Resin-Ruak
Dispozisaun diversa jerál
- Timor Telecom rezerva ninian direitu hodi (i) suspende, iha kualkér altura, temporária ka definitivamente, kampaña ida-ne’e, ka (ii) modifika ninian termu no kondisaun sira.
- Kustu ba kampaña maka prevé ona iha regulamentu ida-ne’e no laiha tan kustus adisionais.
|
