Sesta, 29 Marsu 2024
banner_top_2

Regulamentu

Regulamentu kampaña
“Quiz Tinan Osan Mean”



Timor Telecom, S.A.,ho Sede iha Rua. Prezidente Nicolau Lobato, Timor Plaza, 4o Pizu, pesoa kolektiva no 1014630 rejista iha Diresaun Nasionál Komérsiu Doméstiku ho no 01847Q/MTCI/XI/2012, hakarak lansa kampaña ho naran “Quiz Tinan Osan Mean”, ne’ebé la’o tuir kondisaun sira hanesan tuir mai ne’e:

Kláuzula Dahuluk
Objektu


  1. “Quiz Tinan Osan Mean” ne’e kampaña ida ne’ebé fó dalan ba partisipante sira atu manán prémiu liu husi hatán pergunta geral sira kona-ba Timor Leste, jogus futebol no músika (titlu, Artista nst,.) ne’ebé sei hahú iha fulan fevereiru 2019.
  2. Kestaun sira ne’e hafahe ba tema tolu:
    1. Pergunta normal.
    2. Pergunta hat trick.
    3. Pergunta Bonus.
  3. Prémiu sira sei atribui integralmente konforme partisipantes sira ninia koñesimentu husi temas ne’ebé lolos, la’os hare husi fatór sorte.


Kláuzula Daruak
Aseitasaun, durasaun no publisidade


  1. Partisipasaun iha kampaña ida ne’e implika ba aseitasaun no vinkulasaun husi partisipante sira nian ba regulamentu ida ne’e.
  2. Kampaña ne’e hahu husi tuku 00:00 husi loron 01 fulan fevereiru 2019 to’o tuku 23:59 loron 28 fulan fevereiru 2019.
  3. Publisidade ba kampaña ne’e sei hala’o liu husi meiu publisitáriu tuir mai: outdoors, kartazes iha loja Timor Telecom, flyers, site Timor Telecom nian (www.timortelecom.tl) no husi Facebook (https://www.facebook.com/TimorTelecomTL) Timor Telecom.
  4. Timor Telecom asegura katak informasaun ne’ebé disponibiliza liu husi publisidade ne’e iha informasaun sira hotu ne’ebé presiza ba partisipasaun kampaña ne’e.
  5. Fó sai mos publisidade ba lista partisipante premiadu sira iha meiu publisidade balun ne’ebé refere.


Kláuzula Datoluk
Partisipante iha kampaña


  1. Kampaña ne’e destina exkluziva ba kliente rede Timor Telecom hotu.
  2. Sei la permite iha kampaña ne’e:
    1. Administradór ká Direktór Timor Telecom sira;
    2. No mos kolabadór sira balun ne’ebé envolve iha aktividade Timor Telecom nian;
    3. Kualkér família balun ne’ebé hatudu iha kategoria alínea anterior;
    4. Benefisiáriu protokolu ho Timor Telecom ne’ebé uza dezkontu parsial ka total iha faktura mensal telekomunikasaun ou internet nian;
    5. Traballadór no kolaboradór sira seluk husi empreza parseira Mobiwin.


Kláuzula Dahaat
Rejistu iha plataforma kampaña


  1. Atu komesa partisipa, partisipante tenke haruka SMS 1 (ida) ho liafuan “OSAN MEAN” ba númeru 8850, hafoin sei simu mensajen konfirmasaun rejistu ho informasaun katak rejista tiha ona no atu sai husi Quiz, tenke haruka “UNREG”ba 8850. Kliente mos bele haruka liafuan seluk hodi regista “REG”, nst.
  2. Hahu husi rejistu, independentemente opta/hili atu hatán ba resposta ne’ebé koloka, partisipante simu loron-loron SMS ida ho kestaun “Quiz Tinan Osan Mean”
  3. Wanhira termu husi númeru iha leten ne’e, partisipante rejistadu la hatán pergunta ne’ebé koloka durante tempu kampaña, nia rasik sei la lakon kustu ruma exceptu (la inklui) ida ne’ebé preve ona iha númeru tuir mai.
  4. Kustu ba SMS ne’ebé hatete iha númeru 1 mak USD 0,50 (dólar sentavu lima nulu norte amerikanu).


Kláuzula Dalimak
Mekanizmu


  1. Iha termu ne’ebé hakerek ho klean liu iha artigu tuir mai, partisipante sei simu SMS loron-loron ho pergunta geral kona-ba Timor Leste, Deportu - futebol, no músika no iha ipóteze resposta rua (A no B).
  2. Atu hatán kada pergunta, partisipante idak-idak tenke haruka mensajen ida ho resposta ne’ebé konsidera loos, haruka SMS ba númeru 8850.
  3. Kada resposta, independentemente atu loos ka sala, sei simu SMS foun no pergunta foun ida, iha mos SMS ne’e indikasaun balun ba rezultadu resposta ba resposta ikus ne’e (loos ou sala).
  4. Wanhira partisipante la hatán, sei la kobra kualkér valor no sei la atribui kualkér númeru pontu.
  5. Sei sura, ba efeitu loron ida nian, ba pontu sira ne’ebé hetan to’o tuku 23:59 (oras Timor-Leste). Wanhira partisipasaun realiza hafoin oras ida ne’e, sei konsidera partisipasaun ne’e ba loron tuir mai.
  6. Kustu ba SMS resposta ida mak USD 0,50 (dólar sentavu lima nulu norte amerikanu).
  7. SMS sira ne’ebé la selu sei la sura ba akomulasaun pontu.
  8. Hafoin lansa ona semana 2 no deskobre katak, partisipante100 mak sei kontinua hela jogu no 150 mak para ona joga, ami sei haruka SMS BC ida ba partisipante 100 ho pergunta sira hosi kodigu kurtu 8850. No ba 150 seluk ne’ebé mak para ona joga, ami sei haruka SMS BC ho special kustu SMS: Ami konvida Ita iha ho premiu Samsung Galaxy J2 Prime, kumula ita nia pontus hodi haruka OSAN MEAN ba 8820”.
  9. Kustu ba SMS resposta ba 8820 mak USD 0,20 (dólar sentavu rua nulu norte amerikanu).
  10. Se participante ne’ebé haruka ona OSAN MEAN ba 8820, sira sei la simu tan SMS hosi 8850 no sei simu de’it SMS husi 8820.

Kláuzula Daneen
Modalidade kestaun sira


  1. Partisipante ne’ebé rejista ona sei simu SMS loron-loron ho pergunta aluziva ba tema ne’ebé refere iha númeru 2 husi Kláuzula Dahuluk.
  2. Ba kada pergunta ne’ebé koloka sei asosia ba modalidade pontuasaun tuir mai:
    1. Pergunta Normal: ba resposta loos hetan pontu 20;
    2. Pergunta Hat trick: resposta 3 loos tuirmalu hetan pontu 2000;
    3. Pergunta Bonus: ba resposta loos hetan pontu 500 - 1000;
  3. Modalidade ne’ebé asosia ba pergunta iha kauza sei identifika kedas iha SMS ne’ebé haruka.


Kláuzula Dahituk
Selesaun Vensedór


  1. Selesaun ba vensedór/manán na’in ba kampaña “Quiz Tinan Osan Mean” husi pontu ne’ebé sei realiza loron-loron no semana-semana no sei iha prémiu bo’ot 1 (ida).
  2. Wanhira iha pontu ne’ebé hanesan, sei rezolve a favor husi partisipante ne’ebé ho lalais liu, hetan pontuasaun bo’ot liu.
  3. Pontu sira ne’e pesoál no la fo sai no asosiadu ba númeru telemóvel ida de’it (i.e.MSISDN).


Kláuzula Daauluk
Limite ba partisipasaun


  1. Partisipante sira só bele manán prémiu diáriu ou Premiu boo’t dala ida de’it iha kampaña ne’e tomak.
  2. Partisipante sira seluk, no no partisipante ne’ebé manan ona Prémiu, bele colecta tan pontus barak hodi hadau malu hodi hetan prémiu seluk ne’ebe seidauk hetan.
  3. Ba premiu final mak partisipante iha tenke tama iha top 20 partisipantes (Top 20 mak partisipantes ne’ebé ho pontus boot durante quiz lao) to’o fim husi quiz. Loron ikus quiz remata ona, sei informa ba manan nain katak nia mak manan premiu final. Pontus husi partisipantes hothotu sei hasae/Upgrade ba pontus boot (Pontus sei Upgrade tuir pontus nee’bé bo’ot) katak partisipantes hothotu sei ho pontus hanesan iha loron ikus husi quiz nian. Partisipantes husi top 20 ne’ebé hetan pontus bo’t liu iha loron 28 fulan fevereiru 2018 oras 11h59pm mak sei sai hanesan vencedor final.


Kláuzula Dasia
PRÉMIU


  1. Prémiu sira kona-ba Quiz, identifika di’ak liu iha Aneksu I , hanesan tuir mai:
    1. Prémiu Loron-loron/diáriu: Telemovel Smartphone Q3 no IKI Mobile.
    2. Prémiu Semanal: Cash; 50 USD (dólar lima nulu norte amerikanu) Cash.
    3. Prémiu Final: Pakote Osan Mean ida + 250 USD Cash.


Kláuzula Dasanulu
Dispozisaun diversa kona-ba prémiu atu atribui


  1. Timor Telecom rezerva direitu muda lista prémiu kampaña ne’ebe sei sai efektiva hafoin halo publikasaun iha site (www.timortelecom.tl).
  2. Timor Telecom rezerva direitu oferese prémiu alternativu seluk ho valor hanesan, karik prémiu ne’ebé refere hela, ho motivu balun, la disponível.
  3. Timor Telecom mak alleia ba kualkér akontesimentu ne’ebé bele kondisiona uzufrutu husi prémiu ba manán na’in sira no la garantia katak premiu ne’e rasik sei tuir expektativa saida de’it husi manan na’in sira.
  4. Prémiu ne’e pesoál no intransmizível tan ne’e sei labele troka ou premiu sira ne’ebé konsta iha ne’e sei la troka fali ho osan.
  5. Wanhira partisipante ne’e tinan ki’ik, prémiu sei entrega ba ninia inan-aman ou reprezentante legal.


Kláuzula Dasanulu resin-ida
Divulgasaun vensedór/Manán na’in


  1. Manán na’in sira sei notifika direktamente liu husi kontaktu telefóniku (SMS no/ou xamada telefónika), hatudu iha momentu ne’e kona-ba prosedimentu entrega prémiu.
  2. Manán na’in loron-loron sei notifika iha loron tuir mai, kona-ba ninia prémiu, manán na’in semanal sei notifika iha loron tuir mai iha semana ikus, kona-ba ninia prémiu, no manán na’in ba prémiu final sei notifika iha loron final kampaña nian.
  3. Dadus manán na’in kampaña semanal no mensal sei rejista iha baze dadus, destina de’it ba entrega prémiu.


Kláuzula Dasanulu resin-rua
Simu Prémiu


  1. Iha momento notifikasaun ne’ebé refere iha númeru anterior, ba partisipante manán na’in sei komunika kona-ba data, fatin no informasaun ne’ebé presiza atu foti ninia prémiu.
  2. Manán na’in ba kampaña iha loron 15 (sanulu resin lima) sura husi loron notifikasaun atu foti ninia prémiu.
  3. Liu prazu ne’ebé hatudu iha númeru anterior, manán na’in lakon nia direitu ba prémiu no sei la halo kualkér pagamentu iha osan atu hodi troka.
  4. Atu benefisia prémiu, manán na’in ba kampaña aprezenta obrigatoriamente ninia kartaun Eleitoral no tenke koresponde ho identifikasaun ne’ebé konsta iha dadus Timor Telecom nian kona ba númeru telemóvel, SMS manán na’in no asina deklarasaun ba kitasaun prémiu nian.


Kláuzula Dasanulu resin-tolu
Reklamasaun


  1. Reklamasaun sira kona-ba prémiu ne’ebé mak fó husi “Quiz Tinan Osan Mean” sei aprezenta ba Timor Telecom iha Loja Timor Plaza ou liu husi númeru 172, iha prazu tuir mai:
    1. Kona-ba prémiu loron-loron to’o tuku 18:00 husi loron ida útil ba resprektiva notifikasaun;
    2. Kona-ba prémiu semanal to’o tuku 18:00 husi loron 2 (rua) útil tuir mai ba notifikasaun prémiu sira ne’e;
    3. Kona-ba prémiu final to’o tuku 18:00 husi loron 3 (tolu) útil tuir mai ba notifikasaun prémiu sira ne’eo;
  2. Reklamasaun sira ne’ebé apresenta hafoin prazu estabelesidu iha númeru anterior sei la konsidera.


Kláuzula Dasanulu resin-haat
Dispozisaun diversa jerál


  1. Timor Telecom reserva direitu ba (i) suspende, iha kualkér tempu, temporáriu ou definitivamente, kampaña ne’e, ou (ii) modifica termu no kondisaun sira ne’e rasik, iha kazu ikus ne’e, disponibiliza iha ninia site (www.timortelecom.tl) regra foun, sei dispensa no laiha kualkér obrigasaun ou kompesasaun ba partisipante sira hotu.
  2. La iha kustu adisionál ba buat ne’ebé hatete iha regulamentu ne’e.


ANEKSU I

Tabela pontu ne’ebé atu atribui ba kampaña “Quiz Tinan Osan Mean” ba tipu pergunta oin-oin ne’ebé formula ona:

Tipu de prémiuPrémiuQuantidade
Final Pakote Osan Mean ida + 250 USD ho Osan Cash 1
Samsung Galaxy J2 Prime (ka equivalente) 1
Semanal 50 USD (cinquenta dólares americanos) em numerário 4
Loron-Loron Smartphone Q3 (ka equivalente) 3
IKI KF4 Go Phone (ka equivalente) 2


 
ban_right_servicos