Sesta, 29 Marsu 2024
banner_top_2
My TT


Saida mak ne´é | FAQ's

> Saida mak ha´u bele halo íha MyTT?

Kliente pré-pagu – Íha portal MyTT asede ba servisu be asosia ho ita-nia konta, ho forma ida ke lais no simples. Konsulta tráfegu no konsumu xamada, SMS no dadus, konsulta ita-nia karegamentu no movimentu pré-pagu, bele halo pedidu ba ativa ka dezativa kampaña no tarifáriu, mak hanesan opsaun balun husi portal MyTT.
Kliente pós-pagu – Íha portal MyTT asede ba servisu asosiadu ho ita-nia konta, ho forma ida ke lais no simples. Bele konsulta no imprimi ita-nia fatura, konsulta no altera dadus faturasaun, konsulta ita-nia tráfegu no konsumu, halo pedidu ba ativa, dezativa, altera ka husu informasaun konaba kampaña no tarifáriu.

> Oinsa ha´u bele rejista aan íha portal MyTT?

Kliente pré-pagu – Atu hetan liafua-xave ida, ho planu pré-pagu, basta haruka SMS ida, gratuitu, ba númeru 8305 ho formatu hanesan tuir mai ne´é: {NÚMERU TELEMÓVEL PRÉ-PAGU}{ESPASU}{PIN ORIJINAL} . Haruka liu tiha SMS ida ne´é, sei simu SMS resposta ida, husi númeru 8305, ho ita-nia liafuan-xave ba MyTT. Hatama ita-nia númeru telemóvel no ita-nia liafuan-xave no klik íha “Tama” no prontu ona atu asede ba MyTT.
Kliente pós-pagu – Atu hetan naran utilizador no liafuan-xave husi MyTT ho planu pós-pagu, kontakta ita-nia jestor konta ka ba deit loja Timor Telecom ida. Dadus sira be presiza mak: no naran konta, no kliente (ka fatura foun) no kartaun eleitor ka pasaporte. Karik reprezenta kliente emprezarial no laíha jestor konta tenki hatudu mos dokumentu komprovativu ida hanesan reprezentasaun husi empreza.

> Oinsa bele rekupera liafuan-xave ba MyTT?

Kliente pré-pagu – Atu rekupera liafuan-xave ba MyTT, ho planu pré-pagu, basta haruka deit SMS ida, gratuitu, ba númeru 8305 tuir formatu hanesan tuir mai ne´e: {NÚMERU TELEMÓVEL PRÉ-PAGU}{ESPASU}{PIN ORIJINAL}. Haruka liu tiha SMS ida ne´é, sei simu SMS ida husi númeru 8305, ho ita-nia liafuan-xave foun ba MyTT.
Kliente pós-pagu – Atu rekupera liafuan-xave ba MyTT, ho planu pós-pagu ida, basta ba deit loja Timor Telecom ida no husu liafuan-xave foun ka kontakta ho ita-nia jestor konta.

> Íha ne´ebe mak ha´u bele konsulta fatura ba kada fulan??

Atu konsulta fatura klik íha menu "Konsulta fatura". Tuir fali, hili fulan fatura be ita hakarak atu konsulta no bele loke ho formatu PDF. Íha mos posibilidade atu rai ka imprimi. NOTA: Fatura sira disponível deit ba planu pós-pagu.

> Oinsa ha´u bele altera dadus faturasaun?

Atu altera dadus faturasaun iha menu "Solisitasaun sira". Íha posibilidade atu altera morada, e-mail no o no telefone ba ita-nia fatura, halo ho explikasaun badak ida ba ita-nia pedidu íha kampu “Observasaun”.

> Oinsa ha´u bele konsulta ha´u-nia saldu se ha´u íha planu pré-pagu?

Kliente pré-pagu – Konsulta ita-nia saldu íha "Movimentu pré-pagu", íha opsaun "Saldu kartaun".
Kliente pós-pagu – Konsulta ita-nia saldu íha "Konsulta fatura", íha opsaun "Saldu".

> Oinsa ha´u bele konsulta karegamentu be halo tiha ona?

Bele konsulta, fulan fulan, ita-nia karegamentu mensal íha "Movimentu pré-pagu". Bele mos konsulta movimentu hotu hotu ba pré-pagu konaba servisu asosiadu ho ita-nia kartaun.

> Oinsa bele konsulta xamada sira be ha´u halo íha fulan uluk sira?

Konsulta xamada sira be halo tiha ona íha “Tráfegu no konsumu”, híli fulan be ita hakarak no híli opsaun “LIAN”. Íha menu ida ne´é bele konsulta xamada be halo tiha ona durante fulan be ita hakarak atu haree tuir, bele haree mos nia durasaun, oras no loron xamada ne´é halo.

> Oinsa ha´u bele konsulta SMS be haruka tiha ona íha fulan uluk sira?

Konsulta ita-nia SMS íha “Tráfegu no konsumu”, híli fulan be ita hakarak no híli opsaun “SMS”. Íha menu ida ne´e bele konsulta SMS be halo tiha ona íha determinadu fulan ida, hanesan nia kuantidade, oras no loron haruka SMS ne´e.

> Oinsa ha´u bele konsulta tráfegu internet be ha´u halo íha fulan uluk sira?

Konsulta tráfegu internet iha “Tráfegu no konsumu”, hili fulan be ita hakarak no híli opsaun “Dadus”.

> Pedidu oinsa mak ha´u bele halo iha MyTT?

Iha portal MyTT bele halo pedidu ba ativa, dezativa ka altera tarifáriu, kampaña no servisu, bele husi esklaresimentu no informasaun konaba servisu hotu hotu be asosiadu ho ita-nia konta. Se iha planu pós-pagu, bele mos husu konaba fatura no altera dadus faturasaun.

> Oinsa mak ha´u bele halo pedidu ida iha portal MyTT?

Bele halo pedidu iha MyTT iha menu "Solisitasaun sira". Karega iha opsaun "Halo pedidu foun ". Hili no servisu be hakarak no prenxe tuir kampu naran, e-mail, no telefone no observasaun ho textu badak ida explika saida mak ita hakara. Ikus liu, klik íha "Halo Pedidu".

> Oinsa bele konsulta pedidu ida be halo ona antes?

Atu konsulta estadu ba ita-nia pedidu klik iha menu "Solisitasaun sira". Iha tipu estadu oin lima: Nakloke (Pedidu rejista tiha ona), Tratamentu hela (Ami-nia servisu sei analiza hela pedidu), Pendente (Pedidu sei hein atu hetan validasaun), Taka (Pedidu rezolve tiha ona) ka Kansela (Pedidu kansela tiha ona).