Tersa, 19 Marsu 2024
banner_top_2
Velosidade Internet nian

Alterasaun Velosidade (QoS – Quality of Service) hodi Asesu ba Internet


1. Funcionalidade foun ne'e oinsa?

Funcionalidade foun ne’ebe permite utilizador sira bele halo alterasaun ba modalidade velosidade iha rede, nune’e, utilizador sira ne’ebe iha servisu movel internet (exceptu perfil sira ne’ebe ho taxasaun dadus/internet tuir tempu), ho inisiativa rasik, bele hili limite ba velosidade maximu download no upload tuir ita-bot nia ligasaun internet.
Persiza iha atensaun ba asesu internet bele la atinje, tuir velosidade ne’ebe mak Kliente hili tamba depende mos ba ekipamentu (smartphone, PEN 3G, Router, etc) ne’ebe kliente uza no fatin ne’ebe navega internet no mos fator externu seluk husi rede internet global.


2. Vantagem saida husi funsionalidade foun ne’e?

Kliente sira bele hili, tuir nesesidade utilizasaun dadus/internet, velosidade konsumu ida ne’ebe mak bele permite ita-bot sira optimiza konsumu husi plafond dadus (Pakote internet, Rede social, Happys, Beikxas, Bonus Plus, etc.);


3. Velosidade (Download no Upload) sira ne’ebe deit mak disponivel ba limitasaun?

  • To’o 32 Kbps
  • To’o 64 Kbps
  • To’o 128 Kbps
  • To’o 256 Kbps
  • To’o 512 Kbps
  • To’o 1 Mbps
  • To’o 2 Mbps
  • To’o 5 Mbps
  • To’o 10 Mbps
  • Laiha limitasaun (masimu ba ligasaun ne’ebe permite

4. Perfil/tarifariu sira ne’ebe mak bele halo mudansa velosidade?

  • Tarifariu prepagu ho exsepsaun ba tarifariu dadus/internet tuir tempu
  • Tarifário pós-pagu

5. Alterasaun ida ne’e iha kustu ruma?

  • Iha pre-pagu alterasaun gratuita.
  • Iha pos-pagu alterasaun gratuita.

6. Oinsa mak halo alterasaun ba modalidade taxasaun??

Kliente bele halo mudansa velosidade iha rede, tuir inisiativa rasik husi kliente, iha forma 4:

  • Haruka SMS ho pattern XY ba LA 8302. X representa valor velosidade no Y representa K ou M. Por exemplu “512K” ou “1M”. Karik kliente hakarak iha velosidade laiha limite (velosidade masimu ne’ebe rede permite) entaun pattern mak “MAX".
    Sei aplika ba kliente movel pre-pagu no pos-pagu.
  • Marka *#103*3*3# - opsaun “Mudansa velosidade” no hili velosidade ne’ebe hakarak. Disponivel deit ba kliente movel pre-pagu
  • Halo pedidu ba Call Center (liga ba 172), ne’ebe sei halo mudansa husi NGIN Customer Care.
  • Bele desloka ba loja Timor Telecom

7. Oinsa mak bele hatene hau nia velosidade internet altera ona??

Kliente sei simu notifikasaun hanesan tuir mai, kuandu mudansa ba velosidade net liu husi SMS, USSD ou NGIN CC efetuadu ona ho susesu:

“altera tiha ona ita nia velosidade ba asesu internet to’o XY”

Maibe wainhira kliente hili ona opsaun velosidade maximu, sei haruka SMS hanesan tuir mai:

“ Ita-Bot nia velosidade ba asesu internet altera tiha ona ba velosidade maximu posivel”


8. Oinsa mak hau bele konsulta modalidade iha velosidade atual?

Kliente bele halo konsulta liu husi:

  • Husi SMS, haruka “BIT” ba 8302.
  • Marka kodigu USSD ba mudansa velosidade, *#103*3*3#.

 



Atualisasaun ikus nian Segunda, 04 Setembru 2017 10:53
 
ban_right_servicos