Tersa, 29 Setembru 2020
banner_top_2

Regulamentu
 

Regulamento kampaña
“QUIZ FUTEBOL”



Timor Telecom, S.A., ho Sede iha Rua. Prezidente Nicolau Lobato, Timor Plaza, 4o Pizu, pesoa kolektiva no 1014630 rejista iha Diresaun Nasionál Komérsiu Doméstiku ho no 01847Q/MTCI/XI/2012, hakarak lansa kampaña ho naran “QUIZ FUTEBOL”, ne’ebé la’o tuir kondisaun sira hanesan tuir mai ne’e:

Kláuzula Dahuluk
Objektu


  1. O “Quiz FUTEBOL”” ne’e kampaña ida ne’ebé fó dalan ba partisipante sira atu manán prémiu liu husi hatán pergunta geral sira kona-ba Deportu, Músika no Kuñesementu Geral – ne’ebé sei hahú iha fulan Julho 2020.
  2. Kestaun sira ne’e hafahe ba tema tolu:
    1. Pergunta normal;
    2. Pergunta Spesial;
    3. Pergunta hattrick;
  3. Prémiu sira sei atribui integralmente konforme partisipantes sira ninia koñesimentu husi temas ne’ebé lolos, la’os hare husi fatór sorte.


Kláuzula Daruak
Aseitasaun, durasaun no publisidade


  1. Partisipasaun iha kampaña ida ne’e implika ba aseitasaun no vinkulasaun husi partisipante sira nian ba regulamentu ida ne’e.
  2. Kampaña ne’e hahu husi tuku 00:00 husi loron 27 fulan Julhu 2020 to’o tuku 23:59 loron 30 fulan Agostu 2020.
  3. Publisidade ba kampaña ne’e sei hala’o liu husi meiu publisitáriu tuir mai: Broadcast SMS, outdoors, kartazes iha loja Timor Telecom, flyers, site Timor Telecom nian (www.timortelecom.tl) no husi Facebook (https://www.facebook.com/TimorTelecomTL) Timor Telecom.
  4. Timor Telecom asegura katak informasaun ne’ebé disponibiliza liu husi publisidade ne’e iha informasaun sira hotu ne’ebé presiza ba partisipasaun kampaña ne’e.
  5. Fó sai mos publisidade ba lista partisipante premiadu sira iha meiu publisidade balun ne’ebé refere.


Kláuzula Datoluk
Partisipante iha kampaña


  1. Kampaña ne’e destina exkluziva ba kliente rede Timor Telecom hotu.
  2. Sei la permite iha kampaña ne’e:
    1. Administradór ká Direktór Timor Telecom sira;
    2. Traballadór husi Timor Telecom;
    3. No mos kolabadór sira balun ne’ebé envolve iha aktividade Timor Telecom nian;
    4. Kualkér família balun ne’ebé hatudu iha kategoria alínea anterior;
    5. Benefisiáriu protokolu ho Timor Telecom ne’ebé uza dezkontu parsial ka total iha faktura mensal telekomunikasaun ou internet nian;
    6. f) Traballadór no kolaboradór sira seluk husi empreza parseira Mobiwin.


Kláuzula Dahaat
Rejistu iha plataforma kampaña


  1. Atu komesa partisipa, partisipante tenke haruka SMS 1 (ida) ho liafuan “JOGA” ba númeru 8800, hafoin sei simu mensajen konfirmasaun rejistu ho informasaun katak rejista tiha ona no atu sai husi Quiz no atu sai tenke haruka “UNREG” ba 8800.
  2. Hahu husi rejistu, independentemente opta/hili atu hatán ba resposta ne’ebé koloka, partisipante simu loron-loron SMS ida ho kestaun jogu sobre “QUIZ FUTEBOL”
  3. Wanhira termu husi númeru iha leten ne’e, partisipante rejistadu la hatán pergunta ne’ebé koloka durante tempu kampaña, nia rasik sei la lakon kustu ruma exceptu (la inklui) ida ne’ebé preve ona iha númeru tuir mai.


Kláuzula Dalimak
Mekanizmu


  1. Iha termu ne’ebé hakerek ho klean liu iha artigu tuir mai, partisipante sei simu SMS loron-loron ho pergunta geral kona-ba jogu futebol no iha ipóteze resposta rua (A no B).
  2. Hafoin registu haruka JOGA haruka ba 8800, atu hatán kada pergunta, partisipante idak-idak tenke haruka mensajen ida ho resposta ne’ebé konsidera loos, haruka SMS ba númeru 8800 (Nivél 1) termina ho pergunta 10 de’it.
  3. Kustu ba SMS resposta ida ne’ebé haruka ba 8800 mak USD 0,00 (Zero dólar amerikanu).
  4. Hafoin termina nível 1 ho resposta ikus husi pergunta 10, kliente sei simu mensagen ida hateten katak, “Ita upgrade ona ba nível tuir mai ho oportunidade bele manan Dolar 100 USD”, Atu Upgrade ba nível tuir mai (Nível 2), kliente ida tenke haruka SMS ho UP ba 8800 (kustu Zero)”. – kliente sei simu mensagen perguntas husi numeru 8820. Atu responde kada pergunta, kada partisipante tenke haruka mensagen ho resposta ne’ebé konsidera loos, hodi haruka ba LA 8820 (Nivél -2) termina ho perguntas 100.
  5. Kustu ba SMS resposta ida ne’ebé haruka ba 8820 mak USD 0,20 (dólar sentavu rua nulu norte amerikanu)
  6. Hafoin termina nível-2 ho resposta ikus husi pergunta 100, kliente sei simu mensagen ida hateten katak, “Ita Passa ona ba nível tuir mai (Nível 3), ho oportunidade bele manan Dolar 500 USD (Grand Prize)”, Atu Upgrade ba nível tuir mai (Nível 3), kliente ida tenke haruka SMS ho UP2 no haruka ba 8800. - kliente sei simu mensagen perguntas husi númeru 8850. At responde kada pergunta, kada partisipante tenke haruka mensagen ho resposta ne’ebé konsidera loos, hodi haruka ba LA 8850 no participante sira sei participa iha númeru 8850 to’o quiz remata ho pontu acumuladu bo’ot hodi bele manan prémio final no semana sira.
  7. Kustu ba SMS resposta ida resposta ida ne’ebé haruka ba 8850 mak USD 0,50 (dólar sentavu lima nulu norte amerikanu).
  8. Pontus hotu sempre akumuladu.
  9. Kada resposta, independentemente atu loos ka sala, sei simu SMS foun no pergunta foun ida, iha mos SMS ne’e indikasaun balun ba rezultadu resposta ba resposta ikus ne’e ( loos ou sala)
  10. Wanhira partisipante la hatán, sei la kobra kualkér valor no sei la atribui kualkér númeru pontu.
  11. Sei sura, ba efeitu períodu ida nian, ba pontu sira ne’ebé hetan to’o tuku 23:59 (oras Timor-Leste). Wanhira partisipasaun realiza hafoin oras ida ne’e, sei konsidera partisipasaun ne’e ba períodu tuir mai.

Kláuzula Daneen
Modalidade kestaun sira


  1. Partisipante ne’ebé rejista ona sei simu SMS loron-loron ho pergunta aluziva ba tema ne’ebé refere iha númeru 2 husi Kláuzula Dahuluk.
  2. Ba kada pergunta ne’ebé koloka sei asosia ba modalidade pontuasaun tuir mai:
    1. Pergunta Normal: ba resposta loos hetan pontu 20;
    2. Pergunta spesial: ba resposta loos hetan pontu 500 - 1000;
    3. Hat trick (Pontus direktu): resposta 3 loos tuirmalu hetan pontu 500 - 1000.
  3. Modalidade ne’ebé asosia ba pergunta iha kauza sei identifika kedas iha SMS ne’ebé haruka.


Kláuzula Dahituk
Selesaun Vensedór


  1. Selesaun ba vensedór/manán na’in ba kampaña “Quiz FUTEBOL” husi pontu ne’ebé sei realiza semana-semana no sei iha prémiu bo’ot 1 (ida).
  2. Wanhira iha pontu ne’ebé hanesan, sei rezolve a favor husi partisipante ne’ebé ho lalais liu, hetan pontuasaun bo’ot liu.
  3. Pontu sira ne’e pesoál no la fo sai no asosiadu ba númeru telemóvel ida de’it (i.e.MSISDN).


Kláuzula Daauluk
Limite ba partisipasaun


  1. Partisipante sira só bele manán prémiu diáriu ou Premiu boo’t dala ida de’it iha kampaña ne’e tomak.
  2. Partisipante sira seluk, no no partisipante ne’ebé manan ona Prémiu, bele colecta tan pontus barak hodi hadau malu hodi hetan prémiu seluk ne’ebe seidauk hetan.
  3. Ba premiu final mak partisipante iha tenke tama iha top 20 partisipantes (Top 20 mak partisipantes ne’ebé ho pontus boot durante quiz lao) to’o fim husi quiz. Loron ikus quiz remata ona, sei informa ba manan nain katak nia mak manan premiu final. Pontus husi partisipantes hothotu sei hasae/Upgrade ba pontus boot (Pontus sei Upgrade tuir pontus nee’bé bo’ot) katak partisipantes hothotu sei ho pontus hanesan iha loron ikus husi quiz nian. Partisipantes husi top 20 ne’ebé hetan pontus bo’t liu iha loron 30 fulan julhu 2020 oras 11h59pm mak sei sai hanesan vencedor final.


Kláuzula Dasia
Prémiu


  1. Prémiu sira kona-ba Quiz, identifika di’ak liu iha Anexu I , hanesan tuir mai:
    1. Prémio Semanal:
      1. LA 8800 --> Recargas 2 USD em cada Semana (Recarregado direto)
      2. LA 8820 --> 25 USD; 30 USD; 40 USD; 50 USD; 60 USD em cada semana (Cash)
      3. LA 8850 --> 50 USD; 60 USD; 75 USD; 100 USD Cash em cada semana (Cash)
    2. Prémio final:
      1. LA 8850 -> Prémio Final: 500,00 USD Cash (dólar atus lima norte amerikanu)


Kláuzula Dasanulu
Dispozisaun diversa kona-ba prémiu atu atribui


  1. Timor Telecom rezerva direitu muda lista prémiu kampaña ne’ebe sei sai efektiva hafoin halo publikasaun iha site (www.timortelecom.tl).
  2. Timor Telecom rezerva direitu oferese prémiu alternativu seluk ho valor hanesan, karik prémiu ne’ebé refere hela, ho motivu balun, la disponível.
  3. Timor Telecom mak alleia ba kualkér akontesimentu ne’ebé bele kondisiona uzufrutu husi prémiu ba manán na’in sira no la garantia katak premiu ne’e rasik sei tuir expektativa saida de’it husi manan na’in sira.
  4. Prémiu ne’e pesoál no intransmizível tan ne’e sei labele troka ou premiu sira ne’ebé konsta iha ne’e sei la troka fali ho osan.
  5. Wanhira partisipante ne’e tinan ki’ik, prémiu sei entrega ba ninia inan-aman ou reprezentante legal.


Kláuzula Dasanulu resin-ida
Divulgasaun vensedór/Manán na’in


  1. Manán na’in sira sei notifika direktamente liu husi kontaktu telefóniku (SMS no/ou xamada telefónika), hatudu iha momentu ne’e kona-ba prosedimentu entrega prémiu.
  2. Manán na’in semanal sei notifika iha loron tuir mai iha semana ikus, kona-ba ninia prémiu, no manán na’in ba prémiu final sei notifika iha loron final kampaña nian.
  3. Dadus manán na’in kampaña semanal no mensal sei rejista iha baze dadus, destina de’it ba entrega prémiu.


Kláuzula Dasanulu resin-rua
Simu Prémiu


  1. Iha momento notifikasaun ne’ebé refere iha númeru anterior, ba partisipante manán na’in sei komunika kona-ba data, fatin no informasaun ne’ebé presiza atu foti ninia prémiu.
  2. Manán na’in ba kampaña iha loron 15 (sanulu resin lima) sura husi loron notifikasaun atu foti ninia prémiu.
  3. Liu prazu ne’ebé hatudu iha númeru anterior, manán na’in lakon nia direitu ba prémiu no sei la halo kualkér pagamentu iha osan atu hodi troka.
  4. Atu benefisia prémiu, manán na’in ba kampaña aprezenta obrigatoriamente ninia kartaun Eleitoral no tenke koresponde ho identifikasaun ne’ebé konsta iha dadus Timor Telecom nian kona ba númeru telemóvel, SMS manán na’in no asina deklarasaun ba kitasaun prémiu nian.


Kláuzula Dasanulu resin-tolu
Reklamasaun


  1. Reklamasaun sira kona-ba prémiu ne’ebé mak fó husi “Quiz FUTEBOL” sei aprezenta ba Timor Telecom iha Loja Timor Plaza ou liu husi númeru 172, iha prazu tuir mai:
    1. Kona-ba prémiu semanal to’o tuku 18:00 husi loron 2 (rua) útil tuir mai ba notifikasaun prémiu sira ne’e;
    2. Kona-ba prémiu final to’o tuku 18:00 husi loron 3 (tolu) útil tuir mai ba notifikasaun prémiu sira ne’e.
  2. Reklamasaun sira ne’ebé apresenta hafoin prazu estabelesidu iha númeru anterior sei la konsidera.


Kláuzula Dasanulu resin-haat
Dispozisaun diversa jerál


  1. Timor Telecom reserva direitu ba (i) suspende, iha kualkér tempu, temporáriu ou definitivamente, kampaña ne’e, ou (ii) modifica termu no kondisaun sira ne’e rasik, iha kazu ikus ne’e, disponibiliza iha ninia site (www.timortelecom.tl) regra foun, sei dispensa no laiha kualkér obrigasaun ou kompesasaun ba partisipante sira hotu.
  2. La iha kustu adisionál ba buat ne’ebé hatete iha regulamentu ne’e.


ANEKSU I

Tabela pontu ne’ebé atu atribui ba kampaña "Quiz FUTEBOL" ba tipu pergunta oin-oin ne’ebé formula ona:

Período Quiz: 27 de julho a 30 de agosto de 2020

Kalendariu Prémiu
LA1o_Semana2o_Semana3o_Semana4o_Semana5o_Semana35 dias
8800 $2 PULSA $2 PULSA $2 PULSA $2 PULSA $2 PULSA Auto Recarga
8820 $25,00 $30,00 $40,00 $50,00 $60,00 Cash
8850 $50,00 $60,00 $75,00 $100,00 $500,00 Cash


 
ban_right_servicos