> Saida maka Quiz "TT Tinan 13"?
"TT Tinan 13" fó dalan ba partisipante sira atu manán prémiu liuhusi hatán pergunta sira ne’ebé ho karáter ne’ebé relasionál ho Timor Telecom no Timor Leste hodi selebra aniversario Timor Telecom ba tinan 13. Ez: "Kor husi logo TT nian mak?"
> Períodu kampaña mak ida ne’ebé?
Hahu husi loron 01 fulan Outubro 2015 tuku 00:00 no remata iha loron 30 fulan novembru 2015 tuku 23:59.
> Oinsa ha’u bele adere ba Quiz TT Tinan 13?
Atu adere, haruka de’it "REG" ba 8333, no hein to’o simu mensajén ida kona-ba konfirmasaun rejistu. Subliña mos katak partisipante bele utiliza liafuan seluk hodi rejista iha Quiz.
> Presu saida mak hodi partisipa?
Adezaun ne’e ho kustu 0,50 USD, hanesan mos SMS ne’ebé haruka. Simu pergunta ou kualkér informasaun adisionál seluk ne’e grátis.
> Oinsa prosesa jogu ne’e hafoin adezaun?
Hafoin simu mensajén kona-ba konfirmasaun rejistu, sei komesa simu pergunta sira liu husi SMS, bele hatán ho resposta ne’ebé mak konsidera loos ba 8333. Kada SMS ne’ebé mak haruka husi partisipante ho kustu 0,50 USD. Se karik, partisipante la responde, sei la kobra kualkér valór ida.
> Pontu hira mak ha’u simu iha kada pergunta ne’ebé hatán?
Ba kada resposta ne’ebé hatán LOOS, partisipante sei simu pontu 50 (Limanulu).
Ba kada resposta ne’ebé hatán SALA/LALOOS, partisipante sei simu pontu 20 (Ruanulu).
> Oinsa bele hatene ha’u-nia pontu sira?
Iha prinsípiu ba SMS sira hotu ho pergunta iha sira nia pontu akomuladu. Bele mos haruka SMS ida ho "PONTUS" ba 8333 hodi hatene pontu hira mak akomula tiha ona.
> Oinsa atu kontabiliza pontu sira?
Kada resposta sei hetan SMS foun ida ho pergunta foun, iha SMS ne’e mos fó hatene kona-ba rezultadu resposta ikus liu. (Ex: Boa!) no pontu sira ne’ebé partisipante akomula /hetan tiha ona. Sei kontabiliza, kona-ba pontu diáriu sira, ba pontu sira hotu ne’ebé hetan to’o tuku 23:59. Sempre hatán / responde ba pergunta ikus ne’ebé simu. Se karik la responde ba pergunta ida ne’ebé uluk / antigu, tenke hasai tiha nia. Se karik iha nafatin duvida bele kontaktu Call Center 172 ou ba Loja TT ida hodi ajuda rezolve problema ida ne’e.
> Prémiu diáriu mak saida?
Iha tipu rua kona-ba prémiu diáriu: liu husi akomulasaun pontu sira no liu husi lais / espesiais.
Akomulasaun: prémiu husi 100 USD (dólar amérikanu atus ida) iha númeru. Manán husi partisipante ne’ebé mak iha ikus rejista pontu barak liu.
Lais/espesiais: iha prémiu oin-oin durante Quiz hala’o.
a) iPad mini
b) Pulsa ho valor 20 USD (dólar amerikanu rua nulu)
Manán na’in husi prémiu espesial liu husi lais ( referente ba pontu a no b), partisipante ne’ebé haruka resposta 5 ho lais liu komesa husi momentu notifikasaun. Kona-ba prémiu diáriu liu husi akomulasaun pontu sira, sei atribui ba partisipante ho pontu ne’ebé akomula/hetan iha loron atribuisaun.
> Prémiu semanál mak saida?
Prémiu ba manán na’in semanál mak:
Iha fulan dahuluk: Samsung Galaxy Smartphone (loron 7 no 21 fulan Outubro ) no Sony Smartphone (Loron 14 no 28 fulan Outubro)
Iha fulan daruak: Samsung Galaxy Smartphone (loron 4 no 18 fulan Novembro ) no Sony Smartphone (Loron 11 no 25 fulan novembro)
> Prémiu finál mak saida?
Prémiu ba manán na’in iha final mak:
3000 USD cash (Rihun tolu dolar Amerikanu) ba partisipante ne’ebé iha Top 20 no ba ida ne’ebé mak responde lalais husi pergunta sira iha loron 30 fulan Novembro.
> Oinsa defini manán-nain finál?
Se karik manán na’in finál, sei verifika pontu akomulasaun ne’ebé bo’ot kliente 20 dahuluk, to’o loron ida antes final Quiz. Top 20 ne’e iha direitu ba kestaun adisionál lubuk ida hodi determina manán na’in ikus liu. Manán na’in mak ida ne’ebé responde ho lais ba pergunta sira hotu.
> Oinsa atu atribui prémiu sira?
Prémiu sira ne’ebé atribui sei depende liu ba númeru interasaun ho Quiz, ou, númeru resposta bo’ot liu kona-ba tema konkretu, no ninia lais iha resposta.
> Oinsá halo selesaun ba manán-nain diáriu, semanál no finál?
Selesaun manán-nain sira hosi kampaña "Quiz TT Tinan 13" sei hala’o lorloron no semana-semana (konta hahú hosi loron Tersa to’o Segunda hosi kada semana ida). Sei bele hetan mós fatin 1 (ida) ba prémiu finál.
Selesaun hosi manán-nain diáriu no semanál sei halo liu hosi akumulasaun pontu sira hosi kliente iha loron refere no iha semana refere, nune’e tuituir malu.
Kona-ba manán-nain finál, sei verifika ba akumulasaun pontu boot hosi kliente 20 dahuluk, to’o loron molok atu remata Quiz. Hosi Top 20 ne’e maka sei hetan direitu ba adisionál hosi pergunta sira hodi bele determina manán-nain. Manán-nain, maka ida ne’ebé hatán ho lalais ba pergunta hotuhotu.
Iha kualkér kazu ne’ebé empata pontuál, sei rezolve hosi partisipante ne’ebé iha, ho lalais, hodi nune’e hetan pontuasaun boot. Pontu ne’ebé hetan pesoál, labele muda no asosia ba númeru telemóvel ida de’it(i.e. MSISDN).
> Iha limite ba atribuisaun prémiu sira?
Sim. Partisipante sira só bele manán prémiu diáriu dala ida de’it durante iha kampaña. Sira bele kontinua akumula pontu sira ho ba prémiu semanál no ba prémiu finál. Ida ne’e mós ba manán-nain sira hosi prémiu semanál, ka, bele manán prémiu semanál dala ida de’it, maibé sira bele kontinua akumula pontu hodi bele tuir iha prémiu diáriu no ba prémiu finál.
> Oinsa maka atu fó sai manán-nain sira?
Manán-nain sira sei fó sai diretamente liuhosi kontatu telefóniku (SMS no/ka xamada telefónika), hatudu iha momentu ne’e maka prosedimentu entrega prémiu sira.
Manán-nain diáriu sei fó sai iha loron tuir mai, manán-nain semanál nian sei fó sai iha loron tuir mai hafoin fim da semana ne’ebé respeita ninia prémiu, no manán-nain hosi prémiu finál sei fó sai iha loron tuir mai iha kampaña ikus ninian.
> Oinsa maka ha’u bele hatene prémiu diáriu ne’ebé atribui iha loron ba loron, tanba prémiu sira ne’e oioin de’it?
Liuhosi SMS's haruka ona ba partisipante sira.
> Oinsa ha’u bele hatene manán sira ne’e?
Ba de’it iha pájina Facebook Timor Telecom, ne’ebé sei publika fotografia sira hosi manán-nain sira hosi Quiz ida ne’e.
> Bainhira no oinsa maka bele entrega prémiu sira?
Ba prémiu diáriu sira TT sei haruka SMS informativu ida iha loron tuir mai no manán-nain sei bele rekolla ninia prémiu iha Timor Plaza. Ba prémiu semanál no finál, manán-nain sira sei simu SMS ida, iha momentu ida, ho informasaun nesesáriu hodi halo levantamentu ba prémiu sira.
> Tempu hira maka ha’u sei simu prémiu TT nian?
Hahú hosi loron ne’ebé sira simu notifikasaun, manán-nain hothotu fó tempu loron 15 atu foti sira ninia prémiu. Presiza aprezenta dokumentu identifikasaun. NOTA: se prémiu ne’e la disponível atu simu iha fim de semana, manán-nain bele simu fali prémiu iha loron-Segunda tuir mai.
Subliña katak só manán-nain de’it maka kliente ne’ebé simu mensajen tuir mai: "Ita mak MANAN husi TT ohin loron. Favor ba Loja TT-Timor Plaza ho Kartaun Eleitoral wainhira simu Premiu & Loron simu só Segunda to’o Sesta de’it."
> Ha’u presiza trata dokumentu balun ne’ebé iha relasaun ba prémiu sira ne’ebé ha’u simu?
Dumentu sira ne’e TT maka sei trata liuhosi parseiru ida.
> Oinsa ha’u bele sai hosi Quiz?
Simples, hakerek de’it "UNREG" no haruka ba 8333.
> Se maka sai hanesan ha’u-nia konkorrente sira iha Quiz?
Ami husu deskulpa maibé atu manten lialos ba partisipante hothotu hosi Quiz ami labele fó informasaun kona-ba partisipante sira seluk hosi Quiz, só sistema informátiku maka kontrola.
> Ha’u nian ranking iha Quiz maka ida ne’ebé?
Ami husu deskulpa maibé atu manten lialos ba partisipante hothotu hosi Quiz ami labele fó informasaun kona-ba partisipante sira seluk hosi Quiz, só sistema informátiku maka kontrola.
> Oinsa maka ha’u iha probabilidade atu manán Quiz?
Bainhira ita joga barak liu, ita sei hetan pontu barak liu no sei iha probabilidade boot atu manán prémiu sira.
> Ha’u haruka SMS ida no ha’u lasimu fali resposta. Ha’u atu halo nusa?
Primeiru verifika, favor ida, se ita-nia Kaixa Entrada nakonu. Karik Kaixa Entrada mamuk hela entaun favor ida, kontata, Call Center 172 ka Loja TT nian ida ne’ebé sei bele ajuda ita-boot atu rezolve problema.
> Ha’u haruka ona SMS maibé ha’u-nia pontu sira la aumenta!
Se hatán ba pergunta ita-ninia pontu sira tenke aumenta. Se ida ne’e la akontese, favor ida, kontata Call Center 172 ka Loja TT nian ida ne’ebé sei bele ajuda ita-boot atu rezolve problema.
> Tanba sá maka ha’u-nia pontu sira menus?
Laiha mekanizmu ba reduz pontu sira. Se ida ne’e la akontese, favor, kontata Call Center 172 ka Loja TT nian ida ne’ebé sei bele ajuda ita-boot atu rezolve problema.
> Prémiu ne’ebé ita-boot simu balun lafunsiona?
Se la funsiona ami sei troka no fó fali foun ida. Tanba ne’e favor ida lori prémiu ba Loja TT Timor Plaza nian ho kaixa ekipamentu no asesóriu sira hotu ne’ebé entrega ba ita-boot.
> Lalaok ba pergunta sira ne’e oinsá?
Pergunta simples, nomós resposta tenke haruka liuhosi SMS ba 8333.
Ezemplu: Saida mak naran husi kapital Timor-Leste? A-Dili ka B-Baucau?
