Domingu, 28 Abril 2024


Regulamentu | FAQ'S



Regulamentu Kampaña
“Quiz Hadau Premiu”

Timor Telecom, S.A., daudaun ne’e “Timor Telecom” ho nia sede iha Rua. Presidente Nicolau Lobato, Timor Plaza, 4.º Piso, pesoa koletiva n.º 1014630 rejistu iha Direcção Nacional do Comércio Doméstico ho n.º 01847Q/MTCI/XI/2012, hakarak lansa kampaña ne’ebé ho naran “Quiz Hadau Premiu”, ne’ebé sei halo tuir kondisaun hirak tuir mai ne’e:

Kláuzula dahuluk
Objetu
  1. “Quiz Hadau Premiu” hanesan kampaña ida ne’ebé sei fó dalan ba partisipante sira atu manán prémiu liuhosi hatan pergunta sira ne’ebé ho karáter relasionál ho kultural jeral. Ez: “Karreta F1 iha kadeira hira? A=1 ka B=5”
  2. Prémiu ne’ebé sei atribui depende liu hosi koñesimentu hosi jogadór kona-ba tema konkretu, no hatan ho lalais ba resposta, la depende, iha kualker buat ruma, hosi fator sorte nian.

Kláuzula daruak
Aseitasaun, durasaun no publisidade
  1. Partisipasaun iha kampaña ida ne’e implika aseitasaun integral ne’ebé iha relasaun hosi partisipante sira ba regulamentu ne’e.
  2. Kampaña ne’e sei hala’o hosi tuku 00:00 loron 7 Abril 2016 to’o tuku 23:59 loron 06 Junhu 2016.
  3. Publisidade hosi kampaña ne’ebé hala’o liuhosi meius publisitáriu balun tuir mai: outdoors, kartaz ba loja Timor Telecom nian, flyers,site hosi Timor Telecom (www.timortelecom.tl), hosi Sapo TL (www.sapo.tl), facebook hosi Timor Telecom no rádio.
  4. Timor Telecom fiar katak informasaun ne’ebé fó sai liuhosi publisidade fonte sira ne’bé iha informasaun sira ne’ebé presiza hodi partisipa iha kampaña.
  5. Sei fó mós publisidade ba lista partisipante sira ne’ebé hetan premiu iha meius publisitáriu balun ne’ebé temin ona iha leten.

Klauzula datoluk
Partisipante sira iha kampaña
  1. ampaña ne’e diriji eskluziva ba kliente movel pré-pagu sira iha rede Timor Telecom.
  2. Sei la demiti iha kampaña:
  1. Administradór sira ka Diretor sira hosi Timor Telecom;
  2. Traballadór sira hosi Timor Telecom;
  3. Kolaboradór sira ne’ebe envolve diretamente ho atividade sira hosi Timor Telecom;
  4. Familia diretor sira ka sira hirak ne’ebé iha ligasaun besik hosi kategoria indika iha alínea sira iha leten;
  5. Benefisiáriu hosi protokolu ho Timor Telecom sei aproveita didiak deskontu total parsial ka iha fatura mensal hosi telekomunikasaun ka internet;
  6. Traballadór no kolaboradór sira seluk hosi impreza parseiraTimWe.

Klauzula dahaat
Rejistu iha plataforma kampaña
  1. Atu komesa partisipa, partisipante tenke haruka sms 1 (ida) SMS ho liafuan “REG” ba númeru 8333. Partisipante sei simu mensajen ida ho konfirmasaun rejistu nian ho informasaun katak rejistu ona no atu sai hosi Quiz, haruka de’it “UNREG” ba 8333.
  2. Tanba ne’e esplika katak partisipante bele utiliza liafuan seluk hodi rejistu iha Quiz.
  3. Hosi rejistu, partisipante sei simu SMS ida ho pergunta sira hosi “Quiz Hadau Premiu”, konforme hatur iha artigu tuir mai. Maski partisipante la hatán, hafoin rejistu no durante iha tempu tomak hosi kampaña, lorloron partisipante sei simu, pergunta ida ne’ebé maka livre hodi bele hatán. Karik la hatán, sei la selu buat ida.
  4. Gasta ba SMS maka mensiona ona iha númeru 1 maka hosi USD 0,50 (dólar norte-amerikanu sentavus lima nulu).

Klauzula lima
Partisipasaun iha “Quiz Hadau Premiu”
  1. Kada SMS ne’ebé partisipante simu hafoin rejistu sei hetan pergunta ida. Atu hatán ba pergunta, partisipante sei haruka mensajen ho resposta ne’ebé konsidera katak los, haruka SMS ba númeru 8333.
  2. Kada resposta sei hetan SMS foun ida ho pergunta foun ida, sei iha mós iha SMS ne’e maka indikasaun rezultadu hosi resposta ba pergunta ikus nian (ex: Diak!) no hosi pontu sira ne’ebé partisipante hetan ona.
  3. Hosi kada resposta ne’ebé los kada partisipante sei simu 50 (pontu limanulu).
  4. Hosi kada resposta ne’ebé lalos/sala kada partisipante sei simu 20 (pontu ruanulu).
  5. Karik partisipante lahatán, sei la selu kualker valor ruma.
  6. Sei konta, rezultadu ne’e lorloron, hosi pontu sira ne’ebé hetan hahú hosi tuku 23:59 (oráriu Timor-Leste). Karik partisipasaun ne’e hala’o hafoin hosi oras ida ne’e, sei konsidera partisipasaun ne’e ba loron tuir mai.
  7. Gasta hosi kada SMS maka hosi USD 0,50 (dólar norte-amerikanu sentavu lama nulu).
  8. SMS sira ne’ebé la selu sei lakonta ba akumulasaun pontu nian.

Klauzula neen
Selesaun Vensedór
  1. Selesaun vensedór sira hosi kampaña “Quiz Hadau Premiu” sei hala’o lorloron no semana semana (konta hosi loron-Tersa to’o Segunda iha kada semana). Sei iha mós fatin ba prémiu finál 1 (ida).
  2. Selesaun vensedor diáriu ka semanal no mensal mak realiza liu husi akumulasaun pontu sira husi respektivu kliente iha determina loron no semana. Se karik manán na’in finál, sei verifika pontu akomulasaun ne’ebé bo’ot kliente 20 dahuluk. Top 20 ne’e iha direitu ba kestaun adisionál lubuk ida hodi determina manán na’in ikus liu. Manán na’in mak ida ne’ebé responde ho lais ba pergunta sira hotu.
  3. Karik iha pontu hanesan, sei rezolve tuir partisipante ne’ebé maka, hetan pontu boot no lalais liu.
  4. Pontu sira ne’e individuál, labele transmiti ba ema seluk no ba de’it iha númeru telemóvel nian ida de’it (i.e. MSISDN).

Klauzula hitu
Limite ba partisipasaun
  1. Partisipante sira só bele manán prémiu diáriu nian dala ida de’it durante kampaña ne’e hala’o. Ho nune’e sira bele, kontinua akumula pontu sira ba prémiu semanal no ba prémiu finál.
  2. Partisipante sira só bele manán prémiu semanal nian dala ida de’it durante kampaña ne’e hala’o. Ho nune’e sira bele kontinua akumula pontu sira ba prémiu diáriu no ba prémiu final.

Klauzula ualu
Prémiu sira
  1. Prémiu hosi vensedór diáriu nian, konstante hosi Aneksu I maka depende hosi loron no sai ba iha:

    Hosi akumulasaun pontu sira

    1. Prémiu 50 USD (dolar amerikanu limanulu) iha numeráriu;

    2. Hosi lalais/espesial

    1. iPad Mini;
  2. Sai hanesan vensedor hosi prémiu diáriu tanba lalais (refere ba pontu sira no i no ii), partisipante ne’ebé haruka resposta 5 (lima) lalais liu hahú momentu notifikasaun. Haree ba iha prémiu diáriu hosi akumulasaun pontu nian, prémiu ne’e rasik atribui ba partisipante ne’ebé ho pontu barak liu iha loron atribuisaun.
  3. Prémiu hosi vensedor semanal maka:
    1. Samsung Galaxy Smartphone
    2. Sony Xperia Smartphone
  4. Prémiu hosi vensedor Mensal maka:
    1. Computador Portátil (Laptop)
  5. Ba manán na’in ikus sei atribui:
    5000 USD (Rihun tolu dolar Amerikanu) cash, ba partisipante ne’ebé iha Top 20 no ba ida ne’ebé mak responde lalais husi pergunta sira iha loron 6 fulan Junhu 2016.
  6. Timor Telecom mos rezerva direitu ba altera lista prémiu kampanã nian, atu bele sai efetiva hafoin ninia publikasaun na sítiu www.timortelecom.tl/.
  7. Timor Telecom rezerva direitu atu oferese prémiu alternativa seluk ne’ebé ho valór hanesan, karik prémiu refere mai hela, tanba motivu balun de’it, indisponível.
  8. Timor Telecom nu’udár alleia ba kualkér akontesimentu ne’ebé bele kondisiona uzufrutu ba prémiu husi manán-na’in kampaña nian, la garante katak nia bele hetan kualkér expetativa husi nia rasik.
  9. Prémiu ne’e pesoál no intransmisível labele troka ou sasán ne’ebé nia konsta sei troka ba osan.
  10. Se karik iha partisipante ne’e idade ki’ik, prémiu ne’e sei entrega ba ninia inan-aman ou reprezentante legál.

Klauzula dasiak
Divulgasaun manán-na’in


  1. Manán-na’in sira sei notifika diretamente liu husi kontaktu telefóniku ida (SMS ou xamada telefóniku), hatudu iha momentu ne’e ninia prosedimentu kona-ba entrega prémiu sira.
  2. Manán-na’in diáriu sei notifika iha loron tuir mai, kona-ba ninia prémiu, ba manán-na’in semanál sei notifika iha loron tuir mai iha semana ikus nian, kona-ba ninia prémiu, no manán-na’in prémiu finál sei notifika iha loron tuir mai iha kampaña ikus nian.
  3. Dadus manán-na’in kampaña nian, semanál no mensál sei rejista iha baze dadus, destina de’it ba entrega prémiu sira.

Klauzula désima
Simu Premiu sira
  1. Iha momentu notifikasaun refere iha númeru anterior, ba partisipante manán-na’in sei komunika data, fatin no informasaun ne’ebé presiza ba levantamentu ninia prémiu.
  2. Manán-na’in kampaña iha loron 15 sura husi data notifikasaun ba levantamentu ninia prémiu.
  3. Liu loron ne’ebé hatudu iha númeru anterior, manán-na’in lakon ninia direitu ba prémiu no sei la halo kualkér pagamentu ho osan hodi troka.
  4. Atu benefisia husi prémiu, manán-na’in husi kampaña tenke aprezenta obrigatoriamente ninia Kartaun Eleitór ou Pasaporte, dadus balun ne’ebé koresponde ba identifikasaun konstante husi dadus Timor Telecom ba númeru telemóvel, SMS manán-na’in no asina deklarasaun kitasaun prémiu ida.


Kláuzula désima primeira
Reklamasaun
  1. reklamasaun relativamente ba prémiu sira atribui husi “Quiz Hadau Premiu” sei aprezenta ba Timor Telecom iha loja Timor Plaza ou liuhusi númeru 172, iha prazu tuir mai:
    1. Relativmente ba prémiu diáriu to’o tuku 18:00 husi loron ida útil tuir mai ba respektiva notifikasaun;
    2. Relativamente ba prémiu kinzenál to’o tuku 18:00 husi loron 2 útil tuir mai ba respektiva notifikasaun, no
    3. Relativamente ba prémiu finál sira to’o tuku 18:00 husi loron 3 útil tuir mai ba notifikasaun prémiu ne’e.
  2. Reklamasaun ne’ebé aprezenta hafoin prazu ne’ebé estabelese iha númeru anterior sei la kosidera.


Kláuzula désima segunda
Dispozisaun diversa/oin-oin
  1. Timor Telecom rezerva direitu ba (i) suspende, iha kualkér tempu, temporária ká definitivamente, kampaña ne’e, ou (ii) modifika termu no kondisaun ne’e rasik, iha kazu ikus liu, disponibiliza iha ninia sítiu (www.timortelecom.tl) regra foun, ezimida hotu no kualkér obrigasaun ou kompesasaun ba ho partisipante sira.
  2. Laiha kustu adisionál alén husi buat ne’ebé hatete iha regulamentu ne’e.


 

 

 

Díli, 07 de Março de 2016


  Manuel Joaquim Capitão Amaro
Administrador Delegado		  


ANEXO I

Tabela pontu atribui iha ámbitu kampaña “Quiz Hadau Premiu” ba tipu kestaun oin-oin:


Prémiu Final
1º Klassifikadu 5000 USD (dólar amerikanu rihu lima) iha numérariu
Prémiu Mensal
1º Klassifikadu Computador Portátil (Laptop)
Prémiu Semanal
1º Klassifikadu Smartphone (Samsung Galaxy ou Sony Xperia)

Prémiu Diáriu Periodisidade
USD 50 iha osan 60 x 1 loron
Prémiu Espesial
Ipad Mini 4 x 1 loron

Nota: Kliente sei informa antes liu husi SMS prémiu diáriu.

Adenda: Iha loron 29 fulan Abril 2016, folin SMS $0,20.
 

Kontakta Ami!

172_tt178_tt_2 105_tt

Facebook Timor Telecom Sapo Timor Telecom Sapo Fotos Sapo Vídeos

copyright © 2015 timor telecom